Макенија e земја позната по големиот број на доктори по науки. Таму само понекој не e доктор. Денес приложувам докторат, насловен „Животот на мувата“, темелен врз искуствени/емпириски истражувања. Ова е неговата содржина:
„Ја земав мувата и ја ставив на масата. Ѝ реков да лета. Летна. Ѝ го скинав едното крилце и ѝ реков да лета. Леташе, ама лошо леташе. Ѝ го скинав другото крилце и ѝ наредив да лета. Леташе, ама многу лошо. Ѝ го скинав третото крилце. Повторно леташе, ама многу, ептен многу лошо леташе. Ѝ ги скинав сите крилца. Ѝ наредив да лета. Ниту леташе, ниту мрдаше.
ЗАКЛУЧОК
Кога на мувата ќе ѝ се искинат сите крилца, мувата не слуша!“
Докторатот, заедно со експериментот, беспрекорно е спроведен, Заклучокот логично следи од премисите. Ги охрабрувам сите Макенците да ѝ се посветат на науката и масовно да изготвуваат докторати од сите можни области, вклучувајќи ги и неможните.
