Флорин Бесими под чие што директорување се случи фаталниот пожарт во тетовската модуларна болница пред два дена денеска попладнево си поднесе оставка од директорската функција поради морални причини.
Во продолжение во целост ја пренесуваме неговата реакција со која ја објави неговата оставка на директорската функција.
„Почитувани граѓани, почитувани тетовчани,Дозволете ми во мое име и во име на сите вработени од Клиничката болница Тетово, уште еднаш да изразам сочувство до семејствата на жртвите кои ги загубија животите во трагичниот настан кој се случи во модуларната болница за КОВИД во Тетово.Како лекар, кој целиот мој професионален живот го посветив на лечење на нашите сограѓани и како прв човек на Клиничката болница Тетово, со која раководам во последните години, чувствувам морална одговорност од ужасниот настан во кој починаа луѓе.
После овој трагичен и несреќен настан, оваа одлука е неминовна. Во исто време, се надевам дека ќе заврши што побрзо целосната истрага и ќе се утврдаат причините за пожарот во модуларната болница во Тетово за пациентите со Ковид -19. Мојата оставка нема да ги утеши семејствата, но верувам дека ќе постави една морална линија, која сите како општество сме ја заборавиле. Загубата на човечки живот во една ваква состојба е голема трагедија. Функцијата не е пред достоинството и човечноста. На повредените им посакувам побрзо да закрепнат! Јас, со целосна доверба целиот мој живот сум го посветил за здравјето на граѓаните и на нашето општество. Изразувам почит и сочувство кон моите тетовчани, и останувам во нивна постојана услуга. Господ да го благослови моето Тетово и моите тетовчани!“
-соопшти Флорин Бесими кој што од редовите на ДУИ како партија во владеачката коалиција со СДСМ е назначен на оваа функција.
Креирано од:
СЛИЧНИ ОБЈАВИ
Службени лица на МВР и МЗШВ од Струмица и Берово помагале во пустошење на шумите во Малешевијата
Божиновска: Рубинот инспирација за иднината – уметност и геологија се споија со цел ресурсите да ги претвораме во знаење, вредност и иднина
Николоски: Автопатот Прилеп-Битола се гради со силен интензитет. Пелагонија ќе добие модерен автопат по сите стандарди за нов економски развој и посилна иднина на регионот