Вчера попладне жителите на делчевското село Град, излегоа на мирен протест во центарот на селото. Причината за нивниот револт е недостигот на вода во нивните домови, која во изминатиот период повеќе ја нема отколку што ја има на чешмите.
Како резултат на постојаните прекини на вода во водоводната мрежа, жителите на селото град се жалат дека им прегореле машините за перење и не можат да ги обавуваат своите основни хигиенски потреби.
Пред нашата камера револтираните граѓани бараат од надлежните да си ја вршат јавната работа за која земаат плата од буџетот на сите домаќинства.
Апелираат јавно до надлежните да им стават крај на нивната голгота и да имаат барем малку достоинствен живот
Советничката група на ВМРО-ДПМНЕ во советот на општина Делчево со своја прес конференција од центарот на селото, упатија повеќе прашања кои што се однесуваат на работата на директорот на ЈКП “Брегалница” Делчево, Стојче Стојковски и побараа одговорност за неговото неодговорно управување до системот за достава на вода за пиење за жителите на општината.
Советничката Ели Ангеловска заедно со жителите на селото Град упатија прашања дали поради самоволието на директорот Стојковски се исклучуваат пумпите кои треба да обезбедат вода за пиење и до кога ќе трае ваквото самоволие на одговорното лице во комуналното претпријатие во Делчево.
Креирано од:
СЛИЧНИ ОБЈАВИ
Нов динамичен концепт за развој на туризмот во Делчево: Градоначалникот Гоцевски најави формирање на Совет за развој на туризмот
„Шпански денови на вкусот“ – кочански ориз зготвен по шпански рецепти
16 годишник од Кочани со мотоцикл удрил во 74 годишна жена