Традиционалниот Илинденски коњички марш и оваа година и покрај сите опструкции од повеќе страни се реализира според предвидената динамика.
Групи на коњаници својот традиционален поход го започнаа од Кичево, Охрид и од Горно Лисиче.
Млади и возрасни коњаници од сите генерации земаат учество во оваа традиционална манифестација со која се укажува почит кон споменот на востаниците кои 1903 година го кренаа Илинденското востание кое ќе биде пресуден момент во борбата на Македонскиот народ за слобода и подоцна и создавање на независна Македонска држава.
Со пригодни свечености во црквата во Горно Лисиче вчера беа испратени коњаниците на својата долга коњичка маршрута од огромен број на присутни граѓани како и од Претседателот на Република Македонија Ѓорѓе Иванов.
Свеченоста започна во црквата во Горно Лисиче Црква “Св. Петар и Павле” каде со свештени лица од МПЦ беше благослевена манифестацијата.
Претседателот Иванов се обрати на свеченоста и го додели признанието „Повелба на Република Македонија“ на Здружението на граѓани „Илинденски марш 1978“.
За првпат оваа година како дел од коњичкиот марш од Горно Лисиче се и две девојки.
Кичевската коњица позната по името „Манастир Пресвета Богородица-Пречиста“ и оваа година по четврти пат ќе биде дел од Илинденските празнувања на најголемиот Македонски празник во Крушево на Мечкин Камен за 2-ри Август. Единаесет коњаници го започнаа својот марш од Кичево, Демир Хисар и Крушево маршот во петокот утрото од манастирот „Пресвета Богородица-Пречиста“ каде претходно и ноќеваа. Во текот на својот пат тие ќе го посетат и родното село на Јордан Пиперката-Козица, ќе поминат кај Манастирот „Свети Илија“ на Илинска Планина, во славното Смилево, историското Прибилци и патот ќе го заврши на Мечки Камен во легендарното Крушево.
Денеска попладне во Охрид исто така тргна Охридската коњаница. На почетокот на самата манифестација присуствуваше и Претседателот на ВМРО-ДПМНЕ Христијан Мицкоски, кој упати порака дека
Традицијата е она што не обележува, разликува, обединува. А кога Македонија е во прашање, тогаш таа е непресушен, силен и бескраен извор. Се додека има верни чувари на традицијата, Македонија ќе биде горда и стаменита, се додека има млади луѓе кои ја почитуваат, Македонија е жива, тој пркосен сон на многу срца денес оптоварен со силни предизвици и турбулентни времиња.
На коњаниците од Горно Лисиче денеска им се случи немил настан. Имено Градоначалникот на Велес Аце Коцевски им забрани на коњабиците оваа вечер да ноќеваат во градскиот парк во велес, нешто што го правеа со години наназад.
Од страна на водачите на коњаницата порачаа дека и покрај ваквите опструкции коњаницата ќе продолжи со својата мисија и со својот марш.
Креирано од:
СЛИЧНИ ОБЈАВИ
Заменик-министерот Ристески се обрати на отворањето на Првиот Бизнис форум во општина Делчево „Заедно да подадеме рака на развојот“
ДКСК го објави Каталогот на пријавени подароци за избрани и именувани лица за 2025 година
Финансиска полиција поднесе пријава против поранешен претседател на Стоматолошката комора на Македонија