БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Божиновска: Реформската агенда е наш врвен приоритет, продолжуваме со одговорно и транспарентно спроведување на реформите

HTML Image as link Имате потреба од нов веб сајт?
An image from Squarespace
Пренеси го гласот

Министерката за енергетика, рударство и минерални суровини, Сања Божиновска денеска учествуваше на состанокот на високо ниво со ДГ ЕНЕСТ и тимот на Инвестициска рамка за Западен Балкан (WBIF), како дел од мониторинг мисијата на земјата за статусот на WBIF портфолиото во земјава.

На состанокот на којшто присуствуваа високи претставници на министерства и институции, се дискутираше за Индикативната листа на проекти во рамки на Реформската агенда и Инструментот за реформи и раст,  како и за проектите кои се во фаза на имплементација, а се финансирани преку Инвестициската рамка за Западен Балкан.  

Министерката Божиновска на состанокот информираше за прогресот на тековните и претстојните активности, нагласувајќи дека реализацијата на Реформската агенда е врвен приоритет на Владата. Министерството, како што истакна министерката Божиновска, ќе продолжи со одговорно и транспарентно спроведување на реформите во тесна соработка со институциите и меѓународните чинители.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Воедно, министерката Божиновска ги презентираше и предизвиците во однос на реализацијата на проектите, посочувајќи и конкретни начини како тие да се надминат.

Во рамките на Мониторинг мисијата ќе се одржат серија состаноци, а предвидена е и посета на терен во врска со проектот за Изградба на пречистителна станица за третман на отпадни води во градот Скопје.

Министерството за енергетика, рударство и минерални суровини и понатаму продолжува активно и системски да работи на усогласувањето со европското законодавство во насока на градење на сигурен, модерен и праведен енергетски систем.

Извор: Министерство за енергетика, рударство и минерални суровини

Креирано од:


Пренеси го гласот