БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Секторот за компјутерски криминал беше домаќин на Годишниот состанок на Таск форс единицата за економски и компјутерски криминал на СЕЛЕК Центарот

HTML Image as link Имате потреба од нов веб сајт?
An image from Squarespace
Пренеси го гласот

На 23.06.2026 година, Секторот за компјутерски криминал при Министерството за внатрешни работи во Скопје, во хотел „Холидеј Ин“, го организираше Годишниот состанок на Таск форс единицата за економски и компјутерски криминал на СЕЛЕК Центарот.

На состанокот присуствуваа претставници од сите 11 држави од Југоисточна Европа членки на СЕЛЕК, како и претставници на Интерпол и ФБИ, кои се оперативни партнери во борбата против финансискиот и сајбер криминалот.

Состанокот го водеше началничката Марина Пешовска, која воедно е и координатор на Таск форс единицата за целиот регион, потврдувајќи ја континуираната посветеност и придонес во зајакнувањето на регионалната соработка во справувањето со овие облици на криминал.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Во услови кога сајбер заканите стануваат се покомплексни и пософистицирани, а сајбер криминалот ги надминува националните граници, беше нагласена потребата од навремена размена на информации, интензивирање на меѓуинституционалната соработка и координирани оперативни активности.

Учесниците разменија искуства и добри практики, дискутираа за новите трендови и начини на извршување на кривичните дела од областа на сајбер криминалот, како и за предизвиците со кои се соочуваат институциите, со цел понатамошно зајакнување на капацитетите и креирање заеднички и ефикасен регионален одговор.

Министерството за внатрешни работи изразува благодарност до СЕЛЕК Центарот за континуираната поддршка и посветеност во унапредувањето на регионалната соработка во борбата против економскиот и сајбер криминалот.

Креирано од:


Пренеси го гласот