Во пресрет на утрешното 22. издание на Виз Ер Скопскиот маратон, „Повторно роден“ ја раскажува приказната за патот на Дарио Ивановски – неговите почетоци, минатогодишната победа на маратонот во Скопје, настапот на Олимписките игри и одлуката маратонското трчање да биде неговиот животен пат
Една година по победата на Дарио Ивановски на Виз Ер Скопскиот маратон, неговата приказна е преточена во документарниот филм „Повторно Роден“.
Документарецот го следи патот на еден од најуспешните македонски атлетичари – од неговите почетоци во атлетиката и одлуката да стане маратонец, до моментите кои ја одбележаа неговата кариера, минатогодишната победа на Скопскиот маратон и настапот на Олимписките игри.
За Дарио во филмот зборуваат неговиот тренер, блиски соработници и луѓе од организацијата на Скопскиот маратон кои го следат неговиот пат и развој. Нивните сведоштва ја дополнуваат приказната за спортистот, но и за човекот зад резултатите, откривајќи моменти и детали кои досега не ѝ беа познати на јавноста.
Дарио отворено зборува за тоа што за него значи маратонското трчање, што го натерало да се определи токму за маратонот и како изгледал патот до најголемите натпревари. Низ неговата приказна се открива дека маратонот за него одамна е многу повеќе од трка и резултат на штоперицата, тој е стил на живот, исполнет со тренинзи, километри, одрекувања, падови и подеми, но и со она чувство поради кое повторно се враќаш на стартот. За Дарио, трчањето е нешто од кое не планира да се откаже.
„Верувам дека додека сум жив, јас ќе трчам. Додека сум жив, ќе уживам во секој мој километар изминат. А, тоа е да бидам маратонец. Еден ден кога ќе се пензионирам, ќе се пензионирам како победник на Скопски маратон и како олимпиец“, категоричен е Дарио.
Документарецот може да го погледнете на YouTube: „Повторно Роден – 1 Година по Победата на Дарио на Скопски Маратон“
Креирано од:
СЛИЧНИ ОБЈАВИ
Кривина пријава за 19 годишен кочанчанец за полово вознемирување
Сојузот на спортови на Скопје ги додели наградите „13 Ноември“, каратистот Матеј Белистојаноски одликуван за најдобар спортист
Гордоста на Брегалничкиот регион- Ансамблот “Македонија” во Делчево ја покажа најсилната страна на Македонскиот идентитет