Носителот на кандидатската советничка листа на коалицијата “Обнова на Македонија“ предводена од ВМРО-ДПМНЕ за општинскиот совет во Пробиштип Благој Миновски денеска на прес конференција ја алармираше јавноста за лошите локални политики на актуелниот градоначалник на нивната општина Драган Анастасов.
“На овој начин со крпење на дупките локалната власт на чело со градоначалникот Драган Анастасов сака да се амнестира од неодговорното и недомаќинско работење, најправин дозволувајќи тешките товарни возила да поминуваат одовде и да го уништат најпрометниот локален пат Леговец, за сега да видиме како само закрпија дел од ударните дупките низ патот кој скоро низ целата должина е уништен……
Не смееме, а и не можеме да си дозволиме додека едно се гради друго да се руши, така не се оди напред, особено што ова е локален пат и е под директна надлежност на општина Пробиштип, па наместо со малкуте средства со кои располага општината да се решаваат други проблеми кои секојдневно ги тиштат нашите граѓани, поради вашата непромисленост ќе морат да се трошат за одржување на функционалноста на овој патен правец.
Со ова уште еднаш ни покажавте како не треба да се управува и менаџира, затоа на 17ти октомври, ќе бидете најстрого казнети од сопствениот народ.”
– рече Благој Миновски- носител на листата за советници на оизициската ВМРО-ДПМНЕ во Пробиштип.
Креирано од:
СЛИЧНИ ОБЈАВИ
Сали и Хоџа: Потребна е итна акција за подобрување на имплементацијата на ИПА проектите во животната средина
Општина Кочани го објави конкурсот за стипендии за млади надежни спортисти
Филков: Правдата мора да биде видлива – реформите носат резултати