Во рамките на 31 Голачки фолклорни средби при официјална посета на Општина Делчево, делегации и градоначалници од италијанските општини Новело, Родино и Монфорте Д’алба предводени од градоначалникот на Општина Делчево Иван Гоцевски, го посетија Спомен-домот на Разловечкото востание во с. Разловци.
Гостите беа пречекани од директорот на НУ Центар за култура „Никола Јонков Вапцаров“ – Делчево, Златко Начовски, кој ги запозна со историското и културното значење на Спомен-домот, како и со трајната вредност на Разловечкото востание – прв организиран обид за ослободување во македонската историја, кое претставува темел на слободарската традиција на македонскиот народ.
Истотака беше посетена и црквата Цар Константин и царица Елена во с. Разловци.
Преку оваа посета, високите гости имаа можност непосредно да се запознаат со богатото културно-историско наследство на Делчево и Пијанечкиот регион, при што беше истакната важноста од негувањето на историската меморија, културната размена и продлабочувањето на пријателските односи и меѓународната соработка меѓу локалните заедници.

СЛИЧНИ ОБЈАВИ
Поднесено обвинение за телесна повреда при семејно насилство во Битола
Предложен притвор за загрозување на сигурноста во Куманово
Потпишан петгодишен протокол за соработка со Универзитетот Тракија: обука за македонските здравствени работници во Едрене