Над 140 љубители на планинското трчање од Македонија и од странство денеска учествуваа на „Гратче треил“, во организација на Клубот за планинарски спортови „Осоговски орел“ од Кочани, со Општина Кочани како главен покровител.
Патеката долга 18 километри, по ридско-планински терен со висинска разлика од над 750 метри, беше предизвик за издржливоста и подготвеноста на учесниците, но и можност за доживување на природните убавини на пределот околу езерото Гратче.
Градоначалникот Владко Грозданов ги додели наградите на најуспешните натпреварувачи и ја истакна својата поддршка за ваквите настани и иницијативи, кои го поттикнуваат спортскиот дух и придонесуваат за промоција на Кочани. Тој нагласи дека Општината ќе продолжи да ги поддржува организаторите во нивните заложби за развој на спортот и рекреацијата.
Зад реализацијата на настанот стојат членовите на „Осоговски орел“, предводени од претседателот Гоце Тошев, кои со својот ангажман придонесуваат за развојот на планинското трчање и за промоцијата на кочанскиот крај.
Општина Кочани им честита на учесниците и на организаторите за успешно реализираниот настан.
Креирано од:
СЛИЧНИ ОБЈАВИ
Манифестацијата “Пијанечки денови на сливата 2026“, познатата „Сливијада“ утре во село Град доживува нова енергија за развој
Учениците на СОУ „Миле Јаневски Џингар“ Македонска Каменица го посетија Спомен домот на Разловечкото востание во село Разловци
Ј А В Е Н П О В И К до евидентирани невработени лица за вклучување во Програмата Општинско – корисна работа