Учениците од прва, втора и трета година гимназиско образование при СОУ „Миле Јаневски Џингар“ Македонска Каменица, под менторство на проф.Гоце Стојановски заедно со директорката Ема Стојковска остварија едукативна посета на Спомен домот на Разловечкото востание во село Разловци, на 29.10,2026 година.
Во текот на посетата, учениците имаа можност да го разгледаат Спомен домот и да се запознаат со историските настани поврзани со Разловечкото востание од 1876 година, едно од значајните востанија во македонската историја.
Преку изложените историски материјали и сведоштва, тие го проширија своето знаење за причините, текот и значењето на востанието, како и за улогата на неговите предводници, меѓу кои се истакнуваат Димитар Поп Георгиев – Беровски и Стојан Разловски.
Посетата претставуваше значајна можност за поврзување на теоретските знаења стекнати на часовите по историја со непосредното запознавање со историското и културното наследство.
Учениците имаа можност подобро да ја разберат борбата на македонскиот народ за слобода и да ја осознаат важноста од зачувувањето на историската меморија.
Со реализација на оваа еднодневна научна екскурзија СОУ „Миле Јаневски Џингар“ Македонска Камаеница продолжува да ја поттикнува љубовта кон историјата, почитта кон националното наследство и свеста за значењето на историските настани во градењето на идните генерации.
Креирано од:
СЛИЧНИ ОБЈАВИ
Манифестацијата “Пијанечки денови на сливата 2026“, познатата „Сливијада“ утре во село Град доживува нова енергија за развој
Ј А В Е Н П О В И К до евидентирани невработени лица за вклучување во Програмата Општинско – корисна работа
Кривична пријава за 45 годишен штипјанец за кој постои основано сомнение за извршено насилство врз дете