Лешница, Шар Планина – македонските Алпи, загрозена убавина!
На Лешница не и требаат хидроцентрали!
Изградбата на хидроцентрали во заштитени подрачја, кои утре треба да бидат и дел од новиот национален парк, се повеќе ја соочува јавноста со немањето на ред и во оваа област.Екологијата беше тема на која претходната власт изгуби многу поени, а оваа власт, во време кога беше опозиција, да спечали голема поддршка од граѓаните на кои оваа тема им е една од примарните.Состојбите не се подобри, се полоши се. Нема решение за старите проблеми (аерозагадување, депонии и диви депонии, заштита на биодиверзитетот,…), а новите се се повеќе (Преспа, Лешница, вештачките езера,…)
Граѓаните, посебно планинарите (на кои некако припаѓам и јас), се повеќе реагираат на изградбата на хидроцентрали во срцето на Шар Планина, во месноста Лешница. Оваа област важи за најубавиот предел на овој планински масив, а сигурно и една од поубавите во Македонија.
Можеби документацијата е во согласност со законите и правилата, но барем до сега научивме дека често и законите и правилата се пишуваат за потреба на силни лоби групи.Сликите подолу се објавени од планинари и планинарски друштва последниот викенд. Страшно изгледа.
Додека не е доцна, да се објават сите документи и да станат јавни сите постапки. Кои институции дозволиле и кои фирми добиле вакви права. Да се погледнат можностите оваа грда изградба да запре и да се заштити убавината на Лешница.
П.С. Не сум против обновливи извори на енергија, но од цела Шар Планина да ставите бетон во нејзиното срце е рамно на лудило.
