Од општинскиот комитет на ВМРО-ДПМНЕ од Лозово тврдат дека локалната власт во нивната општина е во паника.
Ваквата теза од опозициската партија ја базираат на разнишаната доверба која што владеачките фунционери ја имаат кај граѓаните. Притоа од ВМРО-ДПМНЕ ги повикуваат членовите на Советот на Општина Лозово да не подлегнуваат на провокациите од првите луѓе на општинската администрација.
Во продолжение во целост ја пренесуваме реакцијата упатена во јавност од страна во врска со оваа проблематика:
“Локалната власт во паника!?!?!
По разобличувањето на неспособноста на локално ниво, дали првите луѓе на општината преку нивните пиони вршат притисок и го кршат законот?
Дали денес 10.02.2021 год. бившиот секретар на општината, кој сеуште не знаеме дали си дал оставка или е разрешен, во паника се јавувал на членовите на совет и спротивно на законот за локална самоуправа барал од нив телефонски да гласаат?
Дали откако советниците одбиле телефонски да гласаат, претседателот на совет е наместен спротивно на закон да закаже седница за 11.02.2021 год?Дали претседателот на совет на Општина Лозово, го има прочитано законот за локална самоуправа и деловникот за работа на совет, пред да потпише се што му сервираат други?
Почитувани членови на совет на Општина Лозово, првите луѓе на општината се во паника, бидејки секојдневно ја губат довербата од граѓаните, затоа не наседнувајте на нивните провокации и не работите спротивно на законот!
Секој што се огрешил пред законот ќе одговара!”
