Планинарскиот клуб “Ентузијаст” од Струмица ги повикува сите љубители на планината и природата воопшто на едно поинакво планинарско доживување. Станува збор за реализација на Ноќно искачување на “Ѕвезден Врв“ на ппланината Беласица, кое што ќе се спроведе на 27 и 28 јуни.
“Семер Кајас, познат и како Ѕвезден Врв, е еден од највпечатливите врвови на Беласица, што пружа вистинско уживање и восхитувачки поглед кон околината. Повелете сите на една поразлична ноќна планинарска тура, каде магичните ѕвезди ќе не следат цела ноќ и ќе не остават без здив.
ΠΡΟΓΡΑΜΑ
Сабота
– Тргнување од ресторан “Атлантис“ – с. Смолари во 11:00 ч.
– Пристигнување на планинарски дом “Шарена чешма”.
– Сместување во домот или шатори (по желба) и одмор.
– Ручек
– Забавни активности.
– Поаѓање кон Ѕвезден Врв во 20:00ч.
– Пристигнување на Ѕвезден Врв.
– Враќање кон Планинарски дом “Шарена чешма”.
Недела
– Одмор и релаксација на Планинарски дом “Шарена чешма”
– Опција: прошетка до Ѓаволски Мост 08.30 ч.
– Ручек
– Враќање во с.Смолари во 15:00 ч.
ОПИС НА ПАТЕКАТА
– Се тргнува од с. Смолари од 382 мнв.
– Се оди по одбележана планинарска патека, низ густа костенова и букова шума два и пол часа до Планинарски дом “Шарена чешма“ 1.276 мнв.
– Од Планинарскоит дом “Шарена чешма” (1.276 мнв) се оди по колски пат и за 2 часа се пристигнува на Ѕвезден Врв (1.877 мнв). Врвот нуди величествен поглед кон двете соседни земји Бугарија и Грција, како и кон целата Дојранска котлина – Дојранско езеро.
– Враќање по истата патека. Патеката е средно тешка. Се совладува висинска разлика од 1.495 мнв и вкупна должина во двата правца од околу 20 км.
ПОТРЕБНА ОПРЕМА
– Разгазени планинарски обувки;
– Челна ламба (задолжителна);
– Топла облека;
– Кабаница;
– НАСМЕВКА и добро расположение.
НАПОМЕНА
Секој учесник е должен да ги почитува правилата и насоките на организаторот и водичите. Во спротивно, самиот е одговорен за несаканите последици.
Движењето се одвива во група.
ПРИЈАВУВАЊЕ ЗА УЧЕСТВО И ИНФОРМАЦИИ
Пријавување со име и презиме, најдоцна до 25 јуни (четврток).
– Котизација 800 денари за сместување во планинарскиот дом.
– Котизација 600 денари за сместување во шатор
– Обезбеден е превоз на шатори и вреќи за спиење од с. Смолари до П.Д. „Шарена чешма”.
– Обезбеден е ручек на П.Д. „Шарена чешма” за сабота и недела.
– Секој учесник добива dry fit маица со принт од настанот.
Томе – 075 301 532
Коста – 078 595 285
Павлинка – 078 216 714″
-стои во промо информацијата пренесена преку социјалните мрежи на клубот.
Креирано од:
СЛИЧНИ ОБЈАВИ
Скопје на 9 и 10 јуни пулсира во ритамот на Урбан Фест – два дена македонска музика и енергија во Градски парк
Досега најопфатен Оперативен план за претприемништво и вработување на АВРМ: Над 40 мил денари за раст на економското портфолио на стопанството и граѓаните
Успешна фискална консолидација, во целост вратена еврообврзницата која владата на СДСМ ја потроши во 2020 година