Агенцијата за финансиска поддршка во земјоделството и руралниот развој информира дека денеска е реализирана исплатата за подмерката од програмата за спроведување на интервентен фонд која предвидува дополнителна помош за свињарскиот сектор.
Имено, исплатени се 78.3 милиони денари како финансиска поддршка за одгледани и заклани гоеници во регистрирани кланични капацитети. Финансиската поддршка пропишана во интервентниот фонд изнесува 1500 денари по грло гоеница со тежина од над 90 килограми, а корисници на оваа подмерка се земјоделските стопанства кои одгледале и продале или заклале најмалку 5 гоеници во перидот од 1 февруари 2022 до 30 април 2022 година.
Дополнително во рамки на тековната реализација на интервентниот фонд, извршена е исплата и на 1538 баратели на финансиска поддршка за набавка на вештачки ѓубрива во висина од 22.4 милиони денари. Исто така, исплатени се и 9 производители на конзумни јајца со финансиска поддршка од 671 илјада денари по основ на финансиска поддршка за огледување на кокошки несилки.
Агенцијата за финансиска поддршка во земјоделството и руралниот развој продолжува со тековните исплати од програмите за директни плаќања, рурален развој и интервентниот фонд со цел оддржување и зголемување на земјоделското производство преку обезбедување на државна финаниска поддршка за земјоделските стопанства кои се занимаваат со растително и животинско производство.
-извор: АФПЗРР

СЛИЧНИ ОБЈАВИ
Николоски од Виенскиот економски форум: Економската соработка на регионот е потребна за заеднички пристап и посилна конкуренција на глобалниот пазар
Клековски: Преживувањето на предвреме родените деца е решено подобро од европскиот просек — сега редот е на превенцијата и на грижата по болницата
Здравјето почнува со добри навики: dm поддржа панел за машкото здравје и понуди dmBio и Sportness закуски на Health & Fitness Forum 2026 во Скопје