Претседателот на Советот на општина Берово Петар Ружински во текот на изминатиот период е во постојана комуникација со различни општествени групи во општината. Во текот на вчерашниот ден Ружински се сретна со двајца приватни стопанственици кои што во секојдневна борба да обезбедат егзистенција за себе и своите вработени се убав пример за успешно претприемништво на микро ниво во општина Берово но и за поширкиот регион. Станува збор за компании од кои што едната произведува млечни производи а другата енергетски ресурс за греење-пелети со што на своето производство имаат висока додадена вредност. Преку нивната работа придобивки има и пошироката заедница во Берово но и во државата.
Ружински во рамки на неговата посета на овие два производствени капацитети се запозна со самиот технолошки процес, но и со потребите и предизвиците со кои се соочуваат овие правни субјекти.
“Поддршка за двигателите на локалната економија. 
Денес остварив средби со двајца вредни претприемачи од нашата општина. Ја посетив млекарата „Малеш“ и една од локалните пелетарници.
Од традиционалното производство на сирење до современите решенија за огрев, потенцијалот на Малешевијата е огромен. Разговаравме за нивните предизвици и за идните планови.
Мојата визија е јасна. Општината мора да биде партнер на секој локален бизнис, без разлика на неговата големина или дејност. 
Тоа значи:
Полесен пристап до информации за фондови.
Помош при промоција и пласман.
Отстранување на административни бариери.
Силни локални бизниси значат силна општина. 
“
-напиша на социјалните мрежи Петар Ружински од ВМРО-ДПМНЕ
Креирано од:
СЛИЧНИ ОБЈАВИ
Градоначалникот на Кочани Грозданов заедно со граѓаните ќе биде дел од чествувањето на Водици во понеделник
Министерката Весна Јаневска во работна посета на УГД – фокус на квалитетот во високото образование
Иван Гоцевски: Делчево е подготвено на повисоко ниво со низа настани да го чествува еден од најубавите христијански празници Водици