Денеска во Домот на културата “Антон Панов” во Струмица со почеток во 20 часот ќе биде отворена изложбата на фотографии на Гонца Перунковска која што потекнува од Струмица а моментално работи и твори во Швајцарија.
Станува збор за избр на фотографии кои што го отсликуваат нејзиното интимно чувство на припадност кон својата татковина, своето родно огниште- нејзините корени.
По големиот број самостојни и колективни изложби во Швајцарија, во четврток (14 август) ќе биде отворена првата самостојна изложба на фотографии на познатата македонска авторка Гонца Перунковска, во нејзиниот роден град, Струмица. Насловот на изложбата е „КОРЕНИ“ и содржи 40 фотографии со теми исклучиво од Македонија. Бидејќи се работи за исклучителна личност и за ретко убави и успешни фотографии, ми претставува особена чест што ќе бидам промотор на изложбата. Верувам дека ќе биде добро посетена, и тоа не само од луѓе од фотографската „фела“ бидејќи Перунковска и нејзините фотографии го заслужуваат тоа,”
-напиша како најава за самиот настан писателот Тихомир Јанчовски кој што заедно со авторот Бранислав Светозаревиќ ќе бидат промотори на самото отварање на изложбата на Гонца.
Драги пријатели, со голема радост ве поканувам на мојата прва самостојна изложба на фотографии во Македонија.
Изложбата “КОРЕНИ“ ќе биде отворена во Домот на културата во Струмица, точно на местото од кај што ми се корените.
Гости ќе ми бидат почитуваните Тихомир Јанчовски и Бранислав Светозаревиќ, како и струмичката новинарска легенда, Ѓорѓи Калајџиев.
Гости ќе ми бидете и сите вие кои би одвоиле од вашето скапоцено време за да ги погледнете моите фотографии, да се запознаеме и да поразговараме на мојата омилена тема, ФОТОГРАФИЈА. 
Четврток, 14 август со почеток во 20 часот.
Центар за култура “Антон Панов“ Струмица.
Посебна благодарност за Ласко Џуровски, кој ми го изработи дизајнот на поканата со негов фонт.
-напиша самата Гонца Перунковска на социјалните мрежи како покана за сите заинтересирани да го посетат овој бележит настан во Струмица.
Креирано од:
СЛИЧНИ ОБЈАВИ
Горан Таневски со неговиот втор синг “Параходот” најавува незаборавен концерт и нов музички албум
“D’Reamers” со „Таа” го заокружуваат нивниот прв албум
Факултетот за ликовни уметности и Фонтис академијата со заедничка работилница за уметничко истражување