Денеска на прес конференција од партиското седиште на СДСМ Наташа Поповиќ која што е членка на Извршниот одбор на СДСМ зборуваше за економската состојба и за предложениот и усвоениот ребаланс на Буџетот на Македонската влада
Зголемувањето на дефицитот е потврда дека буџетот е празен и неизвесно е дали ќе има пари за плати и пензии.
Ете колку на ВМРО им е грижа за граѓаните – толку што заради нивниото расипничко однесување, во ризик е ставена исплатата на платите и пензиите.
Со најавата за зголемување на буџетскиот дефицит, власта брутално ги прекрши фискалните правила и Законот за буџети.
Законските одредби јасно кажуваат дека буџетскиот дефицит не смее да надмине 3 проценти од БДП.
Министерката Гордана Кочоска призна дека во буџетот нема пари.
Целиот планиран годишен буџетски дефицит е потрошен уште во првите шест месеци од годината.
Владата планира дополнително да го зголеми дефицитот, и покрај претходните ветувања дека ќе го намалува.
Тоа е директна потврда на она што СДСМ го говори цело време.
А продлабочувањето на дефицитот значи само едно – нови скапи задолжувања што ќе ги враќаат граѓаните и идните генерации преку повисоки камати, даноци, поскапи услуги.
Граѓаните најдобро знаат какво е вистинската состојба на економијата.
Доволно е да погледнат во своите паричници и фрижидери.
Таму не се гледа „трета економија во Европа“, туку раст на трошоците за живот, пад на куповната моќ и сè поголема загриженост за иднината.
Јавниот долг, кој Владата ветуваше дека ќе го намалува, за две години е зголемен за над 2,5 милијарди евра и се зголемува на 11 милијарди евра.
Парите не отидоа за повисоки плати, за мерки за граѓаните и компаниите, ниту за капитални инвестиции. Тие завршија во криминалните партиски тендери на ВМРО.
По две години вистината е јасна и видлива: со Мицкоски и ВМРО, економијата се движи кон колапс, граѓаните во длабока сиромаштија а државата во изолација.
-рее денеска на прес конференција Наташа Поповиќ од СДСМ

СЛИЧНИ ОБЈАВИ
Лишена од слобода 24 годишна жителка на Крива Паланка затоа што го нападнала својот сопруг со остар предмет
Голем успех за Македонија на светскиот избор Miss & Mister Planet 2026 во Грузија
Николоски: Преку 100 милиони денари инвестиции во инфраструктурата во Валандово. Ќе се реконструира и регионалниот пат Струмица -Валандово