Кандидатот за градоначалник на општина Чешиново-Облешево од ВМРО-ДПМНЕ и коалицијата „За подобра Македонија“, Горанчо Зашов вечерва пред жителите на Чешиново ја претстави изборната програма. Тој истакна дека планирани се 34 проекти во сите населени места, но оти приоритет ќе се даде на обезбедувањето чиста вода за пиење. – До изградбата на акумулацијата Речани кај Кочани, жителите ќе се снабдуваат од алтернативни извори, а ќе се користи и градскиот водовод на Кочани. Изработката на физибилити студија за квалитетно водоснабдување е потреба за што ќе се заложиме таа да биде целосна и сеопфатна за сите населени места, рече Зашов. Тој најави дека приоритет ќе биде и изградбата на патна инфраструктура и на канализациони системи во населените места во општината. Токму затоа, рече Зашов, ќе се зафатиме со решавање на атмосферската вода во населеното место Чешиново ,а ќе ја довршиме и започнатата канализациона мрежа во Облешево. На средбата со жителите на Чешиново беше претставена и кандидатската листа на советници со носителот Далибор Ангелов.
Креирано од:
Редакција 01
administrator
Информативен интернет портал посветен на граѓаните на Брегалничкиот регион..
Контакт маркетинг и редакција: 079/329-300 или на e-mail: bregalnicki@gmail.com
СЛИЧНИ ОБЈАВИ
Иван Гоцевски: Оттука тргнала борбата за слобода на Македонскиот народ
На највисоко локално и државно ниво ќе се одбележи 150 годишнината од Разловечкото востание во Делчево
Со лажен сертификат по Англиски јазик сакал да биде директор на основно училиште во Берово