Денеска понеделник 20.08.2018 година со почеток во 11.00 часот започна најавениот протест на производителите на слива во Делчево.
Беше блокирана раскрсницата кај Меѓународниот пат А3 кој го поврзува Делчево со бугарската граница. На протестот учество зедоа над 30 производители на слива со својата земјоделска механизација кои што во времетрање од еден час го блокираа сообраќајот во двете насоки.
Од страна на луѓето кои протестираа беа искажани уверувањата кои ги имаа добиено од страна на претставниците на Министерството за земјоделие, шумарство и водостопанство во текот на вчерашниот ден за исплата на најавените 2 денари/килограм на откупувачите, 3 денари на производителите како и исплата на штета на неоткупената слива, чија што количина и износ ќе се утврди од страна на комисија која ќе излезе на терен.
Во текот на протестот се случи инцидент при кој што додека неуниформирано лице на МВР од Полициската Станица во Делчево ги фотографираше тракторите и земјоделската механизација како и лицата кои протестираа на протестот. На тоа дел од луѓето кои протестираа реагираа вербално сметајќи ја ваквата постапка за притисок и опструирање кон самиот протест.
Потоа мораа да реагираат и униформираните лица од сообраќајната полиција со цел за спречување на ескалација на состојбата.
По смирување на тензијата, од страна на производителите во знак на протест беше истурен дел од нивниот скапоцен род на местото на протестот, по што од страна на униформираната полиција беа предупредени дека ќе мора да го соберат за да не им пишуваат казни на оние кои протестираат.
Во целата ситуација на крај од протестот луѓето кои протестираа уплашени од можните казни кои ги најави полицијата ги собраа истурените сливи и си заминаа. Протестот официјално заврши во 12.00 часот.
Креирано од:
СЛИЧНИ ОБЈАВИ
Асфалтирана улицата „Мите Стојчев“ во селото Тркање, кочанско
Сменет режимот на сообраќај во централното градско подрачје на Кочани
Амбасадорот на Шпанија во посета на Кочани