По минатонеделниот предупредувачки протест на делчевските производители на слива, пред кабинетот на Градоначалникот на Општина Делчево, за понеделник 20.08.2018 година со почеток во 11.00 часот најавен е нов протест со блокада на меѓународниот пат A3 кој од Делчево води кон Бугарската граница.
Протестот се организира со цел за надминување на кризната состојба која се појави поради непостоење на никаков откуп на пијанечкото сино злато кое во Делчевскиот регион се мери на околу 6000 тони, род кој скапува по нивите.
Делчевските земјоделци оставени на милост и немилост од страна на државата и надлежните институции немајќи никаков друг излез од ситуацијата, приморани се на овој протест затоа што нивната основна егзистенција е ставена во прашање. Цели семејства егзистираат од производство и продажба ан сина слива во Делчевско, инвестирани се огромни сретства кои ќе бидат попусто, поради немањето на пласман на овој пијанечки бренд. Борејќи се наголемо против сиромаштијата дел од овие производители на слива имаат влезено во огромни долгови, со надеж дека нивната инвестиција ќе се исплати како резултат на поволните микроклиматски услови за сливата оваа година.
Но, род има ама нема откуп.
Донесената одлука од страна на Владата за субвенционирање на 2 денари по килограм за секој откупен клиограм слива од страна на откупувачите е целосно промашена мерка, која им служи на политичарите за дневнополитички правдања, затоа што откупувачите и да го откупат родот, нема што да прават со него, затоа што не е обезбеден пласман,
-велат дел од организаторите на протестот.
Единствена надеж за преживување на дејноста е овие два денари да им се исплатат на производителите на слива директно, кои заедно со останатите 3 денари субвенции кои се предвидени во годишната програма на Министерството за земјоделство, е потребно исто така да им се исплатат на овие луѓе, без разлика дали ќе ги продадат своите сливи или не, со што некако ќе ги преживеат направените загуби со овогодинешното производство,
едногласни се делчевските производители на слива.
Креирано од:
СЛИЧНИ ОБЈАВИ
Иван Гоцевски: Оттука тргнала борбата за слобода на Македонскиот народ
На највисоко локално и државно ниво ќе се одбележи 150 годишнината од Разловечкото востание во Делчево
Со лажен сертификат по Англиски јазик сакал да биде директор на основно училиште во Берово