На 07.02.1944 година, кај селото Биљача, во борба против бугарските фашисти загинува командантот Христијан Тодоровски – Карпош, народен херој на Македонија.
Роден е во Куманово на 3 септември 1921 година.
Поради неговиот револуционерен дух, бил истеран од средното училиште и не му било допуштено да се запише во ниедно друго средно училиште во тогашното Кралство Југославија.
Откако Бугарија ја окупирала Македонија, Карпош веднаш стапува во партизанските редови за борба против бугарските фашисти.
Карпош е еден од првите борци во Куманово, бил член на Првиот Кумановски Одред од 11 октомври 1941, а потоа и член на партизанскиот штаб во Куманово.
Во 1941 учествува во прибирање на оружје, растурање на памфлети и дистрибуција на билтенот „Дедо Иван“, кој бил издаван од страна на градската партизанска организација.
На 26 јуни 1943 Карпош станува командант на Кумановскиот партизански одред, кoj пoстeпeнo нараснувал и на 1 декември 1943 бил официјално преименуван во Прв кумановски баталјон „Јордан Николов – Орце“.
Карпош со македонските партизани војувал и против четниците на Дража Михајловиќ, позната е битката против нив кај селото Пелинце, Кумановско.
На 7 Февруари 1944, во судир со бугарските фашисти кои биле стационирани во воено-полициско упориште во селото Биљача, Прешевско, ќе загине големиот македонски револуционер Христијан Тодоровски Карпош.
Оваа година се навршуваат 79 години од неговата херојска смрт за слободата на Македонија.
Неговото родно Куманово со сите должни почести го чествува ликот и делото на Христијан Тодоровски Карпош а по него насекаде низ државата се именувани училишта, плоштади, улици…
ВЕЧНА МУ СЛАВА НА ГОЛЕМИОТ МАКЕДОНСКИ СИН!
Креирано од:
СЛИЧНИ ОБЈАВИ
Фолклорната магија на Ансамбл “Македонија” предизвика стоечки овации на публиката во Делчево
Делчевчани знаат кои се и што сакаат: “Македонијо во срце те носиме” силно одекна покрај Брегалница под вечниот Голак!
Си замина македонскиот мајстор на карикатурата: Јордан Поп Илиев (1940-2025)