Министерот за внатрепни работи на Република Македонија Панчле Тошковски денеска имаше работна средба со амбасадорката на СР Германија во Скопје НЕ Петра Дрекслер.
На средбата било разговарано за напорите на министерот и министерството за обезбедување на фер и демократски процес на изборите како и повеќе процеси во рамки на ингеренциите на министерството.
“Денес остварив работна средба со aмбасадорката на Сојузна Република Германија Н.Е. Петра Дрекслер.
На средбата ја запознав амбасадорката Дрекслер за начинот на функционирање на МВР во техничката Влада, кое има голема улога и одговорност во спроведувањето на изборите кои ни претстојат, а во таа насока ги претставив приоритетите за остварување на заедничката цел – фер и демократски избори.
Во тој контекст, истакнав дека неприфаќањето од страна на владата во рамки на поставувањето на 15 раководни работници во министерството, да поставам началник на СВР Тетово, останува црна дамка која се коси со мојата улога да гарантирам фер и демократски безбеден процес во тој регион на надлежност.
Воедно, ги образложив преземените мерки со цел ублажување на процедурите за издавање на лични документи и ја образложив потребата од итно носење на измени во Законот за патни исправи по примерот на оној со возачките дозволи во делот на запазување на техничките рокови со цел навремено спроведување на потребните процедури за набавка на патни исправи и секако почитување на меѓународното право и основното човеково право на слободата на движење.
На средбата, амбасадорката Дрекслер изрази загриженост за големиот број македонски државјани кои не поседуваат нови патни исправи, а кои се на привремена работа во Германија. Оваа категорија луѓе доколку одлучат да се вратат назад со цел вадење нова патна исправа и доколку не успеат навремено да ја извадат заради техничката неможност во моментов, не би можеле да се вратат назад во СР Германија со старата патна исправа. За ова прашање, повторно истакнав дека во моментов единственото решение е носењето на измените на Законот за патни исправи.”
-соопшти министерот за внатрешни работи Панче Тошковски.
Креирано од:
СЛИЧНИ ОБЈАВИ
Пронајден хероин во дом на жител од Свети Николе
Кривична пријава за 4 жители на Крива Паланка
150 студентки, отворени предавања и силна порака од dm по повод Светскиот ден на менструалната хигиена