Драган Ковачки кој што е носител на кандидатската листа за пратеници од редовите на ВМРО-ДПМНЕ во Третата изборна единица имаше свое обраќање пред присутните во салата на конвенцијата за промоција на кандидатските листи која што се одржа во текот на вчерашниот ден.
Тој во своето обраќање ја изрази својата убеденост дека следува двојна победа на ВМРО-ДПМНЕ како на изборите за Претседател на 24 така и на 8 мај на Парламентарните и втор круг од претседателските избори.
“Огромна чест и задоволство е што ја предводам Изборната единица 3. Огромна е честа да се предводи победничката листа – спој на искуство и знаење, младост и енергија.
Испраќам порака до сите граѓани кои денеска не се тука со Нас. Одлуката е во Вашите раце.
Вие одлучувате за Влада на ВМРО-ДПМНЕ која ќе работи одговорно, посветено, мотивирано, чесно и транспарентно и во интерес на граѓаните, наспроти Влада на ДУИ и СДС каква што имавме изминатите 7 години, на порази, на неправди, на национални понижувања, на предавства, Влада на криминал и корупција, Влада за продолжување на агонијата.
Ова мора да се промени.
Овие избори се последната шанса за промени.
А промените се во твои раце!”
-напиша на фејсбук во прилог на видеото од своето обраќање пред присутните во салата Драган Ковачки.

СЛИЧНИ ОБЈАВИ
Здружението на пензионери – Кочани одбележа 54 години од основањето
Стручна работилница на тема „Дигитални решенија за одржливо земјоделско производство“
ВИНИЦА РЕЦИКЛИРА – 169.350 ПЛАСТИЧНИ ШИШИЊА ЗА ТРИ МЕСЕЦИ!