Градоначалникот на општина Делчево Иван Гоцевски во текот на вчерашниот ден ги посети жителите на село Габрово и село Град и беше дел од световните настани за чествување на големиот христијански празник Митровден кои беа организирани од Црковниоте одбори при селските цркви “Св. Димитриј” и “Св Ѓорѓи.”
Градоначалникот Гоцевски во контекст на ова празнување преку социјалните мрежи ја најави реализацијата на еден од проектите од неговата предизборна програма во делот на програмата за култура за која граѓаните на Делчево дадоа огромна поддршка пред неколку недели.
“Денеска со голем број наши сограѓани сме дел од овој световен ручек по повод денешниот православен христијански празник Митровден.
Сакам на сите наши сограѓани кои го носат името на Св. Димитрија да им го честитам именденот и на сите семејства кои што денешниот празник го имаат за куќна слава. Нека е за многу години, со здравје и среќа да одбележуваме сите заедно и во годините што доаѓаат.
Денеска од ова свето место сакам да ја најавам реализацијата на еден од најубавите проекти од мојата предизборна програма.
Станува збор за Проект за Возобновување и унапредување на сите јавни народни собори за кои постои традиција за нивно одржување во општина Делчево
Во соработка со месните и урбаните заедници, во рамките на програмата за култура на Општина Делчево која е во подготовка за 2026 година ќе овозможиме соработка и поддршка за реализацијата на традиционалните јавни народни собори.
Селото Град за свој селски собор го има празникот Духовден или попознат како Педесетница веќе разговаравме со претставниците на Месната заедница на кој начин Општина Длечево може да го поддржи и унапреди овој настан кој од памтивек игра важна улога во животот на жителите на село Град.
Селските собори на граѓаните од сите населени места во општина Делчево се убава можност за заедништво и споделување на заеднички вредности со цел за изградба на поуспешна и просперитетна локална заедница во периодот кој претстои, а наша политичка определба е таа традиција да продолжи да живее и во иднина.”
-напиша на социјалните мрежи Градоначалникот на Делчево Иван Гоцевски.
Креирано од:
СЛИЧНИ ОБЈАВИ
Кампања „16 дена активизам против родово базирано и семејно насилство“ – промоција на книгата „Азбука на семејното насилство“ во Кочани
Активности од кампањата „16 дена активизам против родово базирано и семејно насилство“ во Кочани
Пронајдени над 4300 парчиња пиротехнички средства во Штип, лишено од слобода едно лице, следува пријава