Денеска остварив работна средба со генералниот секретар на Црвениот крст, Саит Саити. На средбата уште еднаш заеднички ја потврдивме партнерската соработка воспоставена децении наназад во интерес на создавање услуги за најранливите категории на граѓани и на повозрасните лица.
Црвениот крст е партнер на МТСП во заштитата и поддршката на бездомните лица. Изминатите неколку години Министерството и Црвениот крст отворија пунктови во повеќе градови во државата, во периодот од годината кога се прогласува ладен бран. Министерството обезбедува финансиски средства за поддршка на бездомните лица во текот на овој период од годината. Заедно успешно соработуваме во обезбедувањето поддршка за повозрасната популација во Дневните центри за стари лица, како и поддршка во обезбедување дневни услуги за лица со интелектуална попреченост.
На средбата исто така потенциравме дека заедничката успешна сработка ќе продолжи и во иднина со цел поддршка и помош на најранливите граѓани на нашето општество.
-соопштение на Министерката за друд и социјална политика на Република Македонија Рашела Мизрахи.

СЛИЧНИ ОБЈАВИ
Николоски: Изградбата на автопатот Охрид-Кичево се одвива по план, она што беше невозможно станува реалност
Кривина пријава за 19 годишен кочанчанец за полово вознемирување
Сојузот на спортови на Скопје ги додели наградите „13 Ноември“, каратистот Матеј Белистојаноски одликуван за најдобар спортист