Бобан Николов е нов фудбалер на Видеотон

Вечерва и официјално фудбалерот од средниот ред стана дел од унгарскиот вицепрвак

Видеотон го „грабна“ Бобан Николов. Фудбалерот од средниот ред и официјално стана дел од унгарскиот тим, и со тоа после две и пол години минати во Вардар, Николов одново е во странство.

На Николов договорот му истекуваше идното лето, но двете страни се договорија за соработка која се официјализираше вечерва.

НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...

„Многу сум среќен што станав дел од овој клуб. Дојдов тука да освојувам титули. Благодарност до Вардар за соработка. Минатата есен беше круна на добрата соработка затоа што игравме во Лигата на Европа. Прв пат бев дел од ова натпреварување, и се надевам дека и со Видеотон ќе имам успеси како на домашна, така и на меѓународна сцена“, истакна Николов по промоцијата.