Вечерва дел од Дневникот на ТВ Сител во рамки на рубриката “Тема на денот” свое гостување имаше Министерот за транспорт и Вицепремиер во Владата Александар Николоски.
Тој зборуваше за повеќе актуелни теми од доменот на неговата работа доминантно за најголемите инфраструктурни проекти кои што во моментот засилено се реализираат како никогаш до сега во Македонија.
“Експресниот пат од Куманово -Страцин до Крива Паланка е изграден во рекордно време, шест месеци откако ја презедовме власта. Од 25,5 километри на 19 километри капка асфалт немаше ставено. Имавме проблеми со еден од изведувачите и надзорот заради претходниот однос на власта, па ги враќавме на проектот за да може да го завршиме”,
-рече Министерот Николоски како одговор на обидот на минати функционери на СДСМ да се претстават себеси како заслужни поединци за нешто што не успеаа да го реализираат.
Вицепремиерот потенцираше дека наследени се огромни проблеми околу нејасното финансирање и неизвеснот во реализацијата. Но со посветена работа, со нови методи на асфалтирање и со ангажирање на илјадници работници, експресниот пат е завршен во рекордно време.
“Прв пат се завршува проект на време. Овој пат е на народот и најмалку очекував од СДСМ да расипе таков убав настан. Три столба, односно три работи народот гледа во претходната власт. Прва работа дека ниеден крупен капитален проект СДСМ не успеа да го заврши. Второ огромна корупција и трето целосна потчинетост на ДУИ, тоа народот гледа кај СДСМ”- рече вицепремиерот Николоски.
Тој додаде дека овој експресен пат треба да има значајна улога во развојот на економијата, за отворање на нови фабрики, нови работни места и квалитетна комуникација со Истокот и со Бугарија. Во многу скоро време тој најави пуштање во употреба на експресниот пат Градско Дреново.
Креирано од:
СЛИЧНИ ОБЈАВИ
Пронајден хероин во дом на жител од Свети Николе
Кривична пријава за 4 жители на Крива Паланка
150 студентки, отворени предавања и силна порака од dm по повод Светскиот ден на менструалната хигиена