В.д градоначалникот на Општина Кочани Венко Крстевски и Здружението за хумано домување Хабитат Македонија потпишаа меморандум за соработка во рамки на проектот OSS HABITAT, којшто е насочен кон придобивки на граѓаните преку интегриран систем од услуги кои ќе придонесат кон заштедување средства и подобрување на енергетската ефикасност во домовите на граѓаните кои живеат во станбени единици и објекти за индивидуално домување.
Услугите преку проектот се во интерес на домаќинствата кои живеат во индивидуални куќи и станбени згради, со цел истите да ги подобрат условите на домот, да ја зголемат енергетската ефиканост и да имаат целосен пристап до сите информации за едноставно енергетско ефикасно реновирање на домот.
Проектот со времетраење од 36 месеци е поддржан од Европската Унија, а учество со финансирање ќе зеде и Општина Кочани.
Очекувани резултати од проектот во период од три години се реновирани 200 станбени единици и објекти за индивидуално домување и генерирани инвестиции во вредност од 3 милиони евра.

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година