БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

“АГРО ЕКСПО за ЕУ Проекти 2026” претстави 21 европски проект и решенија за современо земјоделство

HTML Image as link Имате потреба од нов веб сајт?
An image from Squarespace
Пренеси го гласот

На 30 и 31 октомври 2026 година, во SPACE Park Скопје се одржа “АГРО ЕКСПО за ЕУ Проекти 2026”, посветен на европските проекти во земјоделството, современите технологии и механизација, како и на домашните земјоделски производи и храна. Во текот на двата дена беа претставени 21 европски проект, со фокус на практичната примена на знаењето и иновациите во земјоделското производство.

Преку конференциска и изложбена програма, практични демонстрации и директни средби, учесниците разговараа за модернизацијата на земјоделските стопанства, развојот на дигиталните вештини и можностите за европско финансирање.

На отворањето, министерот за земјоделство, шумарство и водостопанство, Борче Серафимовски, ја истакна потребата научните сознанија системски да се вклучуваат во подготовката на политиките и мерките за поддршка на земјоделските стопанства.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

„Фокусот го насочуваме на приспособувањето кон климатските промени, поефикасното користење на водните ресурси и зачувувањето на квалитетот на производството“, изјави Серафимовски.

Министерот информираше и за постапката за избор на изведувач за интегрираната земјоделска информациска платформа IAIP и системот за управување со земјиштето во државна сопственост SALMIS. Проектот, вреден над два милиони евра, е дел од Проектот за модернизација на земјоделството, финансиран од Светска банка. На отворањето се обратија и претставници на Општина Гази Баба и на организаторите.

https://www.facebook.com/share/v/1EwJUokv4J/

Во рамки на првиот ден беше претставен европскиот проект CAAIVE, насочен кон развој на стручните и дигиталните вештини и примена на вештачката интелигенција во земјоделството.

Во конференциската програма учествуваа проф. д-р Иван Чорбев, проректор на УКИМ; проф. д-р Миле Маркоски, декан на Факултетот за земјоделски науки и храна при УКИМ; проф. д-р Димитар Трајанов од ФИНКИ, проектен лидер на „Везилка“; м-р Петре Стојковски; м-р Горан Ѓорѓиевски; проф. д-р Ѓоко Буневски; Јован Коцев; проф. д-р Марина Нацка и проф. д-р Александар Узунов.

Вториот ден беше посветен на практичното земјоделство и дигитализацијата на агробизнисот. Проф. д-р Петре Ламески, декан на ФИНКИ, ги претстави можностите за дигитализација преку ДигитМак, Везилка и ЕуроЦЦ3, додека од Факултетот за земјоделски науки и храна при УКИМ се говореше за современото и одржливо пчеларство, науката и практичните решенија.

“АГРО ЕКСПО за ЕУ Проекти 2026” се организираше во рамки на проектот CAAIVE, кофинансиран од Европската Унија преку програмата „Еразмус+“. Организатори беа Универзитетот „Св. Кирил и Методиј“ во Скопје, преку Факултетот за земјоделски науки и храна, EMKICE KIC, Нова Креатива и Центарот за развој на Југоисточниот плански регион.

Повеќе информации и контакт за медиуми

SPACE Park Скопје: www.space.mk

Проект CAAIVE: www.caaive.eu

EMKICE KIC: www.emkice.mk

Креирано од:


Пренеси го гласот