Меѓуопштинскиот одбор за управување со отпад во Источниот Плански Регион ја одржа својата втора седница под претседателство на градоначалникот на Кочани, Владко Грозданов. На седницата беа презентирани Нацрт-регионалниот план за управување со отпад од компанијата „Енвироплан“, како и информацијата за затворање на дивите депонии во регионот. Воедно, се разгледуваше напредокот за изградба на централната постројка за отпад во Свети Николе и шесте локални постројки во Берово, Македонска Каменица, Виница, Штип, Ранковце и Куманово.
Денеска се одржа и шестата редовна седница на Советот за развој на Источниот Плански Регион, каде што беа разгледани прашања од јавното здравје, животната средина и младинските политики. Во фокусот беа предлог-проектите за регионална заштита од комарци, формирање центар за бездомни кучиња и отворање Театар за деца и млади во регионот. Советот ја разгледа и иницијативата за воспоставување Регионален кариерен центар поврзан со концептот internet café.

СЛИЧНИ ОБЈАВИ
Одбележан патрониот празник на ООУ „Крсте Петков Мисирков“ во Оризари
Предложен притвор за вработен во ДЗС осомничен за поткуп
Делегација на МВР учествуваше на 15. конференција на ИНТЕРПА во Доха, Катар