БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Александар Китански: Завршуваат подготовките за Фестивалот на дувачки оркестри – Пехчево 2026

HTML Image as link Имате потреба од нов веб сајт?
An image from Squarespace
Пренеси го гласот

Пехчево е подготвено да ги пречека илјадниците посетители на годинашното издание на Фестивалот на дувачки оркестри – Пехчево 2026, кој ќе се одржи на 10 и 11 јули на градскиот плоштад „Св. Петар и Павле“. Во пресрет на фестивалот, привршуваат сите организациски и технички подготовки, со цел посетителите да уживаат во уште едно беспрекорно фестивалско издание.

Во изминатите денови интензивно се работше на уредување на фестивалскиот простор, поставување на сцената, озвучувањето, осветлувањето, штандовите и останатата неопходна инфраструктура. Посебно внимание е посветено на безбедноста и организацијата, за сите посетители да имаат пријатно и незаборавно фестивалско искуство.

Годинашната музичка програма носи атрактивни имиња од регионалната естрада. Во петок вечер, фестивалската публика ќе има можност да ужива во настапот на легендарниот српски пејач Драган Којиќ – Кеба, кој со своите безвременски хитови ќе ја отвори главната вечерна програма.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Во сабота вечер, на големата фестивалска сцена ќе настапи една од најпопуларните регионални поп-ѕвезди, Теодора Џехверовиќ, која ќе ја заокружи музичката програма со динамичен концерт и современ сценски настап.

Покрај концертите на главните музички ѕвезди, посетителите ќе можат да уживаат и во настапите на дувачки оркестри, богата фестивалска атмосфера и традиционалното гостопримство по кое е препознатливо Пехчево.

Општина Пехчево ги поканува сите граѓани и гости од регионот да бидат дел од Фестивалот на дувачки оркестри – Пехчево 2026 и заеднички да создадеме уште едно незаборавно фестивалско издание исполнето со музика, дружење и позитивна енергија.

Креирано од:


Пренеси го гласот