Битола беше домаќин на првата едукативна средба со физичко присуство во рамки на годинешниот „Караван на мајчинство“, иницијатива преку која dm drogerie markt и Здружението „Матрона“ ја приближуваат стручната поддршка до идните родители. Во хотелот „Милениум Палас“, повеќе од 40 учесници имаа можност во непосредна и пријатна атмосфера да слушнат корисни совети, да постават прашања и да разговараат за теми поврзани со бременоста, породувањето и првите денови со новороденчето.
Средбата на тема „Од бременост до мајчинство: пренатална едукација и грижа за новороденчето“ го означи излегувањето на иницијативата од онлајн форматот и создаде простор за директна комуникација меѓу учесниците и стручните лица. Разговорот се одвиваше во отворен и охрабрувачки дух, со фокус на реалните прашања и дилеми со кои се соочуваат идните родители при подготовката за новата животна улога.
Стручниот дел од средбата го водеа прим. д-р Марина Поп Лазарова, неонатолог, и дипломираната акушерка Гордана Палашовска. Тие споделија насоки за подготовка пред породувањето, првичната грижа за бебето, потребите на мајката по породувањето, адаптацијата на семејството и значењето на навремената едукација во периодот кога родителите најмногу имаат потреба од сигурни информации.
Посебна вредност на настанот беше интерактивниот формат, кој им овозможи на присутните да добијат одговори на конкретни прашања и да разменат искуства со други идни родители. Токму непосредниот контакт со стручни лица придонесе средбата да помине во атмосфера на доверба, разбирање и практична поддршка.
Како дополнителна придобивка, сите учесници добија ваучер за 15% попуст при купување babylove производи во dm продавниците, со што едукативниот карактер на средбата беше надополнет со практична поддршка за семејствата кои се подготвуваат за доаѓањето на новиот член.
„Караванот на мајчинство“, dm и „Матрона“ го реализираат втора година по ред, со цел да обезбедат достапна едукација и поддршка за мајките, идните родители и семејствата. Минатата година беа организирани 11 онлајн обуки, а годинашната програма започна со теми посветени на дохрана, спиење и ран моторен развој кај децата.
Од dm посочуваат дека преку вакви активности продолжуваат да вложуваат во иницијативи кои нудат релевантни информации, пристап до стручни лица и поддршка за семејствата во различни фази од родителството.
Креирано од:
СЛИЧНИ ОБЈАВИ
Божиновска: Се работи забрзано на енергетско поврзување со регионот, клучен приоритет-енергетската стабилност
Приведена 28 годишна жителка на Крива Паланка поради спречување на вработени во АХВ при заловување на крупен добиток
Првиот заменик-претседател на Владата и министер за европски прашања, Беким Сали: Уште еден конкретен европски успех – 65,7 милиони евра за Македонија