Денеска со почеток во 18.00 часот во просториите на Општинскиот комитет на ВМРО-ДПМНЕ од Делчево ќе се реализира промоција на книгата “Зад твојот сон” од Васил Маневски.
Претседателката на Унијата на жени на Општинскиот комитет на ВМРО-ДПМНЕ Христина Смилевска информираше дека ова е уште една од низата на активности на женската организација на партијата во Делчево, од нивната широката лепеза на активности.
За претстојниот период покрај редовните партиски активности, Унијата на жени предвидуваат и поголем број на дополнителни активности иницирани како од посветените членови на оваа женска организација така и од граѓаните во нивните секојдневни контакти.
Во продолжение ја пренесуваме поканата за вечерашниот настан упатена до јавноста:
Веруваме во моќта на убавиот пишан збор.
Особено кога тој доаѓа од перото на доајенот на Пијанечкото новинарство г-динот Васил Маневски.
Неговата најнова книга именувана “Зад твојот сон” е дополнето реиздание на истоимената стихозбирка издадена пред 40 години сега дополнета со осум нови катрени.
Промотор на книгата ќе биде познатиот Балкански афористичар Миле Ѓорѓијоски.
Настанот започнува во 18.00 часот во просториите на Централниот штаб на ВМРО-ДПМНЕ во Делчево, утре (среда, 16.05.2019 година).
Ги покануваме сите заинтересирани граѓани да присуствуваат на промоцијата.
-соопштуваат од ВМРО-ДПМНЕ ОК ДЕЛЧЕВО.
Креирано од:
СЛИЧНИ ОБЈАВИ
Николоски: Започнуваме нови три инфраструктурни проекти во Кочани. Инвестираме 5, 5 милиони евра само во инфрастрктурата, подобрувањето на животот во Кочани е приоритет за Владата
Пожар на објект во Пречистителната станица во Кочани
Бојана Скендеровски со концерт во Штип: Пролетта започнува со музика