Регионалниот центар за застапување – Делчево во рамки на проектот „Интернет Суперхерои“, кој го имплементира во соработка со Фондацијата Метаморфозис и Еуротинк, а финансиран од Европската Унија, на 13-ти ноември (среда) со почеток во 11 часот во ОУ „Ванчо Прке“ – Делчево ќе ја одржи првата прес конференција за јавна презентација на проектот.
Конференцијата е наменета и отворена за сите заинтересирани граѓани, ученици, просветни и медиумски работници кои сакаат да се вклучат во заедничкото работење за зголемување на свеста за медиумската писменост и справувањето со лажни вести. Говорници на настанот ќе бидат координаторот на проектот, претседателот на здружението – имплементатор и претставник на медиумскиот партнер, Телевизија Стар. Присутните ќе имаат можност и за дискусија и коментари по однос на темата.
Целта на овој настан е да се постигнат поголема видливост и препознатливост на проектот во регионот, а истиот се спроведува во рамки на деновите за медиумска писменост кои ги организира донаторот во повќе градови низ државата.
-интегрално соопштение на Регионалниот центар за застапување Делчево упатено до медиумите.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево