Кандидатот за градоначалник на Општина Пробиштип од редовите на ВМРО-ДПМНЕ Маријан Миленковски во свое соопштение упатено до јавноста информираше дека опозициската партија на локално ниво донеле одлука 20% од месечните паушали кои што ќе ги добиваат идните советници на ВМРО-ДПМНЕ во општинскиот совет да бидат донирани за хуманитарни цели.
“Хуманоста е доблест, која ја отсликува големината на еден човек!
Овде имаме доблест за цела група!
На денот кога ги заклучуваме кандидатите за победничката советничка листа, на предлог на кандидатот за Градоначалник, д-р. Маријан Миленковски и членовите на ВМРО-ДПМНЕ Пробиштип, членовите на општинскиот изборен штаб и членовите на општинскиот комитет едногласно ја прифатија одлука за доброволно отстапување на 20% од месечниот паушал на изгласаната победничка листа на советници во посебен солидарен фонд.
Доколку ВМРО-ДПМНЕ го освои мнозинството во Советот на општина Пробиштип, 20% од месечниот паушал на избраните советници од победничката листа на ВМРО-ДПМНЕ од Пробиштип доброволно ќе бидат префрлани на посебен граѓански фонд, а средствата од овој фонд ќе се искористат за помош на ранливите категории на граѓани од Пробиштип, како што се: млади долгорочно невработени лица, лица со посебни потреби, социјални случаи, жени жртви на семејно насилство, помош при лекување на наши сограѓани, односно секаде каде што се најпотребни.
Тоа е најмалку што можеме да го направиме за нашите сограѓани, бидејки мандатот и довербата ќе ни бидат дадени од нив и имаме морална, граѓанска, а пред се човечка должност да се бориме за подобро утре на секој наш сограѓанин!
Имаме доблест да ја бараме Вашата поддршка,
ќе имаме доблест и да се откажеме од дел од месечниот паушал!
Пробиштип повторно ќе биде град на сите луѓе!”
–напиша на фејсбук кандидатот за градоначалник на Пробиштип Маријан Миленковски.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево