Пратеникот Драган Ковачки од ВМРО-ДПМНЕ денеска на вонредна прес конференција од партиското седиште ги прозва Димитер Ковачевски и Бујар Османи за најодговорни за бугаризацијата на Македонија.
Тој алармираше во јавност дека владата на чие чело е Димитар Ковачевски 6 месеци преговарале и знаеле за предлогот на Франција кој што воедно го прифатиле за усвојување.
Ковачки го повика Ковачевски да ја распушти владата и да излезе на избори со овој предлог пред граѓаните на Македонија, па доколку биде изгласан да продолжи со усвојување на истиот.
“Димитар Ковачевски и Бујар Османи 6 месеци тајно преговарале за последниот предлог кој стигна во Бугарија и во Македонија. Со месеци е усогласуван предлогот за бугаризација на Македонија и за тоа амин има од Ковачевски и Османи.
-Владата прифатила во преговарачкиот процес државата да добие рамка со бугарски условувања, кои практично значат бугаризација на државата и асимилација на народот, доколку сакаме да влеземе во ЕУ. Предлогот задира во македонското уредување и удира во темелите на државноста. Доколку Ковачевски е толку сигурен во предлогот што го преговарал и договорил, тогаш единствено исправно е тој да распише избори. На тие избори тој и СДСМ ќе го бранат предлогот за бугаризација и ќе сакаат негова имплементација, а ние ќе бидеме против. Па народот нека одлучи. Изборите кои вака би биле распишани би биле референдумски избори, на кои граѓаните ќе имаат јасен избор, или се за предлогот за бугаризација на државата или против. Или со СДСМ државата ќе тоне, или со ВМРО-ДПМНЕ ќе ја застанеме државата на нозе, вели Ковачки.
ВМРО-ДПМНЕ тврди дека овој предлог е лош за Македонија, и не е заснован на никакви европски вредности.
Ковачевски има уште простор да се предомисли и изречно да го отфрли последниот предлог, без воопшто да преговара дополнително.
Овој предлог е неправеден кон Македонија, која 22 години е во чекалната на Унијата, од потпишувањето на Актот за стабилизација и асоцијација, до денеска.
На Македонија и треба европска перспектива, која ќе биде заснована на заемна почит, а не на омаловажување.”
-соопшти Драган Ковачки од ВМРО-ДПМНЕ на денешната прес конференција
