Во тек е постапката за избор на економски оператор што ќе работи на пополнување на ударните дупки на сообраќајниците на подрачјето на Општина Кочани.
Утре ќе се отвораат пристигнатите понуди, па бидејќи не е предвидена е-аукција, се очекува договорот за крпење ударни дупки набргу да започне да се реализира.
Долг е списокот на улиците евидентирани од стручните служби за градежно земјиште каде што е потребно крпење, за што ќе се користат поволните временски услови, пред почетокот на зимскиот период.
За реализација на овие градежни активности се издвоени 1.499.770 ден. oд Програмата за улици и патишта за 2025 г.
Наскоро ќе започне и реконструкција на сливни решетки од полимер бетон.
Стручните служби најавуваат дека е планирана замена на постојните со решетки од полимер бетон на 6 локации, а ќе бидат реконструирани и 7 ревизиони шахти.За реализација на договорот за реконструкција на сливните решетки за атмосферска канализација се наменети 2.006.236 ден. од Буџетот на Општина Кочани.
Креирано од:
СЛИЧНИ ОБЈАВИ
Во Етнокуќата во Кочани – изложба на рачни изработки со ткаење
44 годишна жена од Берово нападнала своја сограѓанка во нејзиниот дом
Тројца жители на с. Црник, пехчевско со трактор се обиделе да прегазат двајца вработени во шумското подрачно стопанство “Равна Река”