Фудбалската репрезентација на Македонија вечер од 20 часот и 45 минути во Струмица го пречекува Лихтенштајн во последниот натпревар од квалификацискиот циклус за Светското првенство во Русија.
Без разлика на исходот двете репрезентации се без шанси за прогрес на табелата, но за Македонија евентуално освојување на трите бода ќе значи подобар биланс од претходните квалификации.
Избраниците на селекторот Игор Ангеловски на мечот влегуваа по ремито кај фаворитот Италија во петокот и со желба да ја изборат третата победа.
Лихтенштајн во Струмица доаѓа со девет порази и без освоен бод на претходните натпревари и тоа го прави аутсајдер, но од таборот на „црвено-жолтите“ порачаа дека во никој случај противникот нема да биде потценет.
Двојки за последното (10. коло) од квалификациите за СП 2018:
Македонија – Лихтенштајн,
Албанија – Италија и
Израел – Шпанија.
Табела: Шпанија 25 бода, Италија 20, Албанија 13, Израел 12, Македонија 8 и Лихтенштајн 0.
Од Г-групата учество на СП обезбеди Шпанија, Италија како второпласирана ќе игра бараж.
Креирано од:
СЛИЧНИ ОБЈАВИ
Божиновска со низа билатерални средби и пораки за забрзана транзиција на UNECE Resource Management Week
Шеикот Венко од Емиратите: Сепак претседателот на СДСМ има златна виза како менаџер и инвеститор во Обединетите Арапски Емирати
Божиновска од UNECE Resource Management Week 2026: Одлучни политики, силни инвестиции и меѓународна соработка за одржлива енергетска иднина