Молчев долго време во врска со новите реформи во средното образование, но работава толку се исполитизира што не остана простор за критичко мислење. Целава политичка хајка против законските реформи во средното образование дојде поттикната токму од опозициониот Институт за филозофија, што патем речено оние кои таму предаваат и ги познавам се или симпатизери, или членови на СДСМ. Затоа хајката е дефинитивно политичка!
Би сакала да прашам – со што се загрозени професорите на тој институт? Доколку се потрудат и направат интересни наставни планови и програми и ги заинтригираат студентите, ниедни реформи не им можат ништо, студентите ќе се запишуваат и понатаму кај нив. Но пазите тие тоа не го сакаат, тие треба да си останат арогантни професори од стариот ков кои што никогаш нема да ги научат студентите на животна филозофија за што се платени. Затоа што ароганцијата не е духовност, а тој институт бара креативци. Ете си ја сакаат својата удобна позиција!
Постојат главно два типа на мозочно ориентирани луѓе, или до вистината доаѓаат по логичко – математички пат, или пак до истите сознанија доаѓаат со помош на креативноста. Целта е иста само патиштата се различни. Отаде, талентот или наклоноста, ќе се однесува на едната или другата група предмети. Зошто да го малтретираме ученикот да учи нешто што не е негова страст или креативен поттик? Зошто ученикот да седи на часови а неговиот мозок тоа градиво тешко го процесира? Зошто на тој начин да му создаваме аверзија да оди на училиште? Зошто уметник да малтретираме со децимали и дупли квадратни равенки? Или пак кај математеричар да инсистираме да учи метафизика? Нивните мозоци едноставно не се издизајнирани за тоа.
Затоа и Платон кој што го цитирате, токму тоа го вели, ама дали го разбравте? Тој пред својата академија напиша: “Не влегувај тука ако не знаеш математика или музика”, алудирајќи токму на тоа, дека она што логичарите го сфаќаат, уметниците го дознаваат на поинаков интуитивно – креативен начин.
Отаде, изборот на предметите ќе ја направи наставата по интересна за сите. А дали ќе бидат вашите предмети избрани, аман бе професори, дајте се од себе заинтересирајте ги учениците да ги слушаат вашите предавања. Ако сте вљубеник во она што го работите, знаете како да се поврзете со тинејџери, го разбирате и сакате она што го предавате, ви гарантирам нема да имате проблем и тие вашиот предмет ќе го бираат. Но, во случај да не сте сево ова, тогаш дајте размислете дали тоа место го заслужувате?
Тогаш ве молам дајте им шанса на оние професори чиј најголем сон е да подучуваат и тоа го прават извонредно!
-реакција на професорката Мимоза Рајл
Креирано од:
СЛИЧНИ ОБЈАВИ
Про-бугаринот Венко Филипче нека покаже како треба и нека ги стави бугарите во статутот на СДСМ, Македонскиот устав не му е дедовина да го решета како ќе му текне
Зошто НАТО не го активира членот 5 во војната меѓу САД и Иран?
Синдикалниот комунизам е мртов. Македонија како земја на услуги треба да развива трудов раст а не секојдневие на социјална пропаст