На денешен ден 13 Септември во 1924 година во два терористички атентати биле убиени Македонските револуционери Славчо Ковачев и Димо Хаџи Димов. И двете убиства биле нарачани од Иван Михајлов во неговата куќа претходната вечер.
Ликвидцијата на Славчо Ковачев кој што е роден во Штип во 1875 година, била извршена од неговиот сограѓанин Мирчо Кикиритков кој што бил приврзаник на ванчомихајловистите. Вечерта на 12 септември 1924 година на состанокот во куќата на Иван Михајлов од страна на домаќинот биле издадени наредбите за ликвидација на приврзаници на левицата во ВМРО-т.н. санданисти. Оваа вечер во историографијата е позната како Вартоломејска ноќ кога биле завземен тек на настани кои ќе го одбележат најмрачното и најкрвавото поглавје од егзистенцијата на МАкедонскиот народ а тоа е братоубиствената војна поради идеолошки причини. Од страна на Иван Михајлов Славчо Ковачев бил дефиниран како предавник. Убиството на Славчо Ковачев се случило пред неговата куќа пред очите на неговите деца.
Славчо Ковачев е еден од Македонските интелектуалци кои што биле учесници во Илинденското востание, завршил воено училиште во Софија и членувал во ВМОК пред востанието. Во 1910 година во Париз завршил правни студии а докторирал во Брисел. Тој е еден од основачите на Македонската Емигрантска Федеративна Организација а бил и уредник на весникот Автономна Македонија.
Кога Димо Хаџи Димов дознал за убиството на Славчо Ковачев, побрзал кон кафеаната “Галик” во Софија со цел да дознае повеќе детали за убиството. На улицата “Пиротска” бил пречекан од група ванчомихајловисти и бил застрелан од терористот Владо Георгиев- Черноземски со неколку куршуми. За да бидат сигурни во неговата смрт убиецот се наведнал над покосеното тело на Димо Хаџи Димов и истрелал уште два куршуми.
Двајцата убијци биле фатени од страна на бугарската полиција, но по два дена биле пуштени на слобода.
Братоубиствената војна меѓу идеолошки завојуваните страни во Македонското револуционерно ткиво, особено во Пиринска Македонијае еден од најмрачните периоди од Македонската историја. Во периодот 1924-1934 година во временски период од 10 години загинале над 10.000 македонци кои што биле на еден или друг начин поврзани со револуционерното дело на ВМРО.
Оваа мрачна лекција нека служи за сите идни времиња како на Македонското национално ткиво, така и во меѓународни рамки за тоа како не треба да се води политики помеѓу луѓето.
Креирано од:
СЛИЧНИ ОБЈАВИ
Празнувањето на Ѓурѓовден во нашиот регион е поврзано со будењето на пролетта, будењето на животот
Македонија за првпат како политички термин се спомнува на знамето на Разловечкото востание
Беше љубимка на обичниот-гордиот Македонец: 24 години без Васка Илиева- великан на Македонската народна музика