Деновиве се одвиваат градежни работи за рехабилитација на асфалтната површина на регионалниот пат Р2346 кој што е на релација село Тработивиште- село Разловци со што значително ќе се подобрат сообраќајните услови за жителите кои што гравитираат по овој патен правец.
Изведувач и инвеститор на градежните работи се екипи од Јавното Претпријатие за државни патишта во вкупен износ од околу 50 милиони денари а според расположивите информации ќе се санираат 10-тина километри.
Со оваа рехабилитација на коловозната површина ќе се зголеми безбедноста на оваа патна делница во Делчево, но остануваат проблемите со природните водотеци кои што се вкрстуваат со овој регионален пат а чие што влијание создава проблеми со поплави и наноси на повеќе места на патот. Дополнително ваквите нерешени критични точки овозможуваат измивање на планумот на патот со што со тек на време се нарушува носивоста на асфалтниот слој кој забрзано пропаѓа под надворешните влијанија. Проблем при ваквата брзоплета рехабилитација на асфалтот на патот претставуваат и недефинираните и неисчистени земјени каналетки кои што служат да ги одведат атмосферските води без да предизвикаат оштетувања на коловозот. Во некоја идна состојба надлежните власти би требало посуштински да се занимаваат со ваквите проблеми кои што се однесуваат на експлоатациониот век на самиот пат.
Инаку оваа инвестиција од 50 милиони денари која што ја инвестира Јавното претпријатие за државни патишта е втора по големина во еден патен правец после инвестицијата во реконструкцијата на регионалниот пат Делчево Голак која што се случи во 2014-2016 година во Делчево а која изнесуваше околу 90 милиони денари.
Делчево во наредниот период ќе има потреба од уште вакви инвестиции во патната инфраструктура со оглед на лошата состојба на одредени патни правци кон селата и сообраќајници во градот Делчево.
Фото извор: Општина Делчево
Креирано од:
СЛИЧНИ ОБЈАВИ
Иван Гоцевски: Оттука тргнала борбата за слобода на Македонскиот народ
На највисоко локално и државно ниво ќе се одбележи 150 годишнината од Разловечкото востание во Делчево
Со лажен сертификат по Англиски јазик сакал да биде директор на основно училиште во Берово