Пред повеќе од две години градоначалникот на општина Делчево преку општинскиот веб сајт се пофали дека набавил ново противпожарно возило за потребите на ТППЕ Делчево. Истото тоа возило во почетокот на оваа година беше оштетено и оставено нефункционално поради дефект на пумпата за вода. Цената која што ја објавија општинските служби во општина Делчево за ова возило изнесувала 7 364 657 денари! За вакво противпожарно возило општина Штип имаат платено 7,1 милион денари што е за повеќе од 260.000 денари помалку од цената која е исплатена од општина Делчево.
Од општинскиот Комитет на ВМРО-ДПМНЕ Делчево денеска излегоа со прашања кои што отвараат основани сомнежи за разликата во цена на двете возила:
“Додека сеуште го чекаме одговорот од градоначалникот Трајковски и неговиот омилен комадтир на ТППЕ Делчево за тоа кој е одговорен за предизвиканиот сериозен дефект на противпожарното возило набавено со парите за граѓаните пред две години, а кое со месеци стои расипано во една од гаражите на ТППЕ Делчево, сакаме да ја запознаеме јавноста со еден ГОЛЕМ СКАНДАЛ ПОВРЗАН СО ИСТОТО ВОЗИЛО.
Имено, истото вакво возило со истите параметри градоначалникот на Штип Иван Јорданов го има набавено за 7 100 000 денари или за 264 657 денари помалку од возилото набавено од страна на градоначалникот на Делчево Горан Трајковски, кој го набавил за 7 364 657 денари!
Од тука се постабува прашањето за тоа која е причината за ваквата повисока набавна вредност на возилото на ТППЕ Делчево
И, дали со тоа е оправдан сомнежот кој што кружи во делчевската јавност дека 264 657 денари,пари наменети за граѓаните на Делчево, завршиле во нечиј џеб
Ова е еден од низата на скандали кои што овие месеци ги тресат институциите во Делчево кои што се под капата на градоначалникот Горан Трајковски
“
-стои во реакцијата на ВМРО-ДПМНЕ ОК Делчево упатена во јавноста.
Креирано од:
СЛИЧНИ ОБЈАВИ
Европска недела на мобилност – дебата за сообраќајните предизвици во Кочани
Програма за 33. Издание на манифестацијата „Денови на кочанскиот ориз“ 2024
Одржана традиционалната ликовна колонија „Св. Пантелејмон“ во Кочани