Денеска од Општинскиот комитет на ВМРО-ДПМНЕ од Кочани на прес конференција ја прозваа локалната власт за вработувањата кои што ги врши во локалната администрација во време на рецесија
Во продолжение во целост го пренесуваме текстот на прес конференцијата на Гоце Марков- Потпретседателот на Општинскиот комитет на ВМРО-ДПМНЕ Кочани.
“Нови вработувања во администрација во време на рецесија
Додека Република Македонија и официјално е во рецесија, во КЈП,,Водовод”- Кочани во постојан пораст се цената на водата и бројот на вработените!
Наместо рационализација- комуналното претпријатие служи само да испорачува и наплатува огромни сметки од кочанчани а средствата наместо за унапредување на инфраструктурата за жал ги користи за вработување на партиски кадри.
Како за компарација, почетокот на 2017-та година цената на водата е 35,5 денари за физички лица, додека веќе 2020-та е скоро 40 денари, поточно денес 39.92. Од друга страна, ако го гледаме бројот на вработени, во 2017-тата имаме 219 вработени, 2018-229, 2019-227 за да во 2020-тата имаме 232 вработени. Вчера, од медиумите дознавме дека КЈП,,Водовод” наместо рационализација во светска криза и пандемија, распишува оглас и вработува 7 административци, т.е. партиската војска на Зоран Заев.
Едно е сигурно во локалните политики на Комуналното, а тоа се паралелното зголемување на цената на водата со бројот на вработени во време кога граѓаните добиваат удари од сите страни. Срамота е бре луѓе! “
