Од почетокот на наредната недела ќе започнат разговорите за формирање на новото парламентарно мнозинство кое што ќе треба да ја избере новата влада на Република Македонија. За таа цел денеска на состанок на носителите на изборната кампања од највисокото раководство на ВМРО-ДПМНЕ беа утврдени основните три принципи врз основа на кои ќе се водат разговорите за прифаќањето на коалициски партнери во новата владеачка гарнитура која ќе управува со владините институции во наредниот 4 годишен мандат.
“Претпладнево одржав состанок на кој ги поставивме контурите на рамката врз која ќе го градиме коалицискиот потенцијал со останатите партии и каде фокусот ќе бидат луѓето на прво место.
1. Економски силна држава, преку реформи и чекори кој ќе бидат жестока битка за повисок животен стандард.
2. Фронт против криминалот и корупцијата и постигнување на правда.
3. Реализација на стратешкиот интерес за европски интеграции, преку дијалог и исполнување на принципи.
Очекувањата се големи, и одговорноста кон народот уште поголема.
Македонија ќе биде повторно твоја!”
-напиша на социјалните мрежи Претседателот на ВМРО-ДПМНЕ Христијан Мицкоски кој се очекува да биде новиот мандатар за формирање на влада.
СЛИЧНИ ОБЈАВИ
МВР во мобилизација на сите потенцијали за успешно спроведување на безбеден сообраќај
IFC со поддршка за енергетски проекти во Македонија – средба на министерката Божиновска со меѓународната финансиска корпорација
За Костадин Костадинов битката за градоначалничката фотеља на Струмица е прашање за живот или смрт