По повод 7 Септември, Денот на ослободувањето на Кочани и 8 Септември, Денот на независноста на Македонија, делегација составена од градоначалникот на Општина Кочани Љупчо Папазов и членови на Советот, од Сојузот на Здружението на борците од НОВ, како и партиски делегации положија свежо цвеќе на Споменикот на слободата и на бистите на Љупчо Сантов и Раде Кратовче во Паркот на Револуцијата.
По тој повод, градоначалникот на Општина Кочани упати честитка кон граѓаните во која се вели:
„Почитувани сограѓани,
7 и 8 Септември – ослободувањето на Кочани и независноста на државата – се два големи датума за историјата на Кочани и на Македонија. Денес е денот кога се навршуваат 80 години од ослободувањето на градот Кочани, ден за да се заблагодариме на луѓето заслужни за денешната слобода која ја уживаме и се потсетиме на нашата обврска да ги чуваме и градиме општината и државата, да создаваме услови за квалитетен живот на идните генерации.
Нека ни се честити празниците, 7 Септември, Денот на ослободувањето на Кочани и 8 Септември, Денот на независна Македонија!“
Денеска беше одржана и Свечената седница во Мултикултурниот центар.
Креирано од:
СЛИЧНИ ОБЈАВИ
dm повторно го отвора еко-конкурсот „Зелена иднина: од градинка до училиште“ – пријавете го вашиот двор за раззеленување!
Министерството за здравство и СЗО организираа национална консултација за новиот Закон за лекови
Тошковски: По повеќе од 15 години запуштеност и негрижа, базенот во Полициската академија во Идризово повторно е во функција