Кандидатот за градоначалник на Зрновци од редовите на ВМРО ДПМНЕ Блаже Станков на прес конференција ги најави проектите предвидени во програмата за наредниот четиригодишен мандат што се однесуваат на селата Видовиште и Мородвис.
Асфалтирање на неколку улици во населбата Видовиште како и изградба на локален полски пат од место викано Гумења до место викано Друмот во должина од 800 метри. Изградба на бунар за вода преку дупчење на една бушотина, како и целосна реконструкција на постојниот Дом на културата. Ке се изградат и два моста за моторни возила на Видовишка река, истакна на прес конференција кандидатот за градоначалник на Зрновци од ВМРО ДПМНЕ БЛаже Станков.
Станков истакна дека ќе ја поддржат секоја иницијатива за развој на селскиот и руралниот туризам во овие две населени места кои изобилуваат со природни реткости, археолошки локалитети како и цркви и манастири. Во Мородвис ќе се изгради пат до археолошкиот локалитет Манастириште , а ќе се изврши и промена на кровната конструкција на Домот на културата во Мородвис, како и целосна модернизација на уличното осветлување.
Тој ја нагласи потребата од пробивање,тампонирање,планирање и валирање на два централни полски пата во двете населени места во општина Зрновци.
Прес ВМРО ДПМНЕ Зрновци
Креирано од:
СЛИЧНИ ОБЈАВИ
Отстранет отпадот во близина на Фабриката за вода во Кочани
Градоначалникот Владко Грозданов се сретна со жители од улицата „Константин Апостолов“
Кривична пријава против поранешна директорка на Јавната Здравствена Установа “Гоце Делчев” Делчево