БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Превентивни активности на СВР Штип и СВР Велес за безбеден сообраќај и спречување на употреба на пиротехнички средства

HTML Image as link Имате потреба од нов веб сајт?
An image from Squarespace
Пренеси го гласот

Денеска (18.12.2025) од страна на полициски службеници од ПС Делчево, ПС Берово и ПС Пробиштип при СВР Штип, на подрачјето на Делчево, Берово и Пробиштип, беа реализирани превентивни активности од областа на безбедноста во сообраќајот, за користење на зимска опрема и сигурносните појаси, правилно паркирање и безбедноста на пешаците. Полициските службеници во непосредна комуникација им укажаа на возачите за потребата од почитување на сообраќајните правила и прописи, заради лична, но и безбедноста на сите останати учесници во сообраќајот. При тоа, беше потенцирано дека во зимскиот период, условите на патиштата бараат максимална внимателност и затоа особено е важно користењето на зимска опрема. Исто така, беше потенцирана потребата од почитувањето на правилата кои се однесуваат на пешаците, како најранлива категорија учесници во сообраќајот. Користењето на сигурносните појаси, пак е насочено пред се кон личната безбедност и тоа многу придонесува за намалување на степенот на повреди при евентуална сообраќајна несреќа. На возачите им беше поделен и печатен едукативен материјал, изработен од Републичкиот совет за безбедност на сообраќајот на патиштата.

Полициски службеници од Отсекот за превенција при СВР Велес и ОВР Кавадарци, пак, заедно со лекар од Клиниката за пластична и реконструктивна хирургија, реализираа предавања во рамките на кампањата „Без пиротехника за побезбедни празници” за учениците во средните училишта „Ѓорче Петров“, „Киро Спанџов Брко“ и „Добри Даскалов“ и основните училишта „Димката Ангелов Габерот“ и „Тоде Хаџи Тефов“ во Кавадарци. На предавањата беше укажано дека употребата на пиротехнички средства претставува голем ризик по здравјето, особено кај децата и може да предизвика тешки и трајни повреди и последици по здравјето. Истовремено, беше потенцирано дека продажбата и употребата на пиротехнички средства е законски строго регулирана и за прекршителите на мерките се предвидени казни. Целта на едукативните предавања е да се подигне свеста кај децата за опасностите од користењето на пиротехнички средства во пресрет на новогодишните празници.

Предавање на истата тема одржаа и полициски службеници од ПС Пробиштип во ООУ „Никола Карев“ во Пробиштип, а превентивна активност насочена кон спречување на употребата на пиротехнички средства спроведоа и полициски службеници од ПС Пехчево во централното подрачје на Пехчево.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Креирано од:


Пренеси го гласот