Триесет и еден студент од Кочани ќе користи стипендија од Општина Кочани за академската 2025/2026 година.
Градоначалникот на Општина Кочани, Владко Грозданов им ги додели договорите на студентите и им посака успех во понатамошното студирање.
– Очекувам општинската стипендија, која од оваа година е со зголемен износ, да биде добра мотивација и поддршка за да постигнувате натамошни успеси во студирањето – рече во своето обраќање пред студентите градоначалникот Грозданов.
– Конкурсот беше распишан за 30 студенти на прв циклус студии на јавните високообразовни институции во Македонија, но градоначалникот Грозданов направи отстапка и донесе одлука од својата буџетска програма да издвои средства за уште една стипендија, со што сите студенти што ги исполнија условите според конкурсот, ќе користат стипендија од Општина Кочани. Доделените стипендии се од сите категории опфатени со конкурсот – изјави Голубинка Георгиева, претседателка на Комисијата за стипендии.
Оваа година од 45 пријавени, деветмина студенти се откажаа поради добивање државна стипендија, а петмина не ги исполнија условите.Месечниот износ на општинската стипендија годинава е 4 000 денари и се исплаќа десет месеци.
Креирано од:
СЛИЧНИ ОБЈАВИ
32 годишен штипјанец нападнал референт во ЈП “Национални шуми”
Кривична за 56 годишен беровец кој поттикнувал омраза на социјални мрежи
Кочани го одбележa 2 Април – Меѓународниот ден на литературата за деца