На денешната прес конференција од Општинскиот Комитет на ВМРО-ДПМНЕ од Штип ја алармираа јавноста во Штип и во Република Македонија дека со новите законски решение на Владата предводена од СДСМ за 10500 пензионери од општината Штип ќе се скратат износите на пензиите за цели 500 денари.
Ова намалување е како резултат на законското решение со кое се менува пресметката на пензиите преку усогласувањето со исплатените плати и растот на стандардот на цените на намирниците за живот, информираат од ВМРО-ДПМНЕ ОК Штип.
Во продолжение интегрално ја пренесуваме целата прес конференција:
300.000 пензионери во Република Македонија и 10.500 пензионери во Општина Штип месечно остануваат покуси за 500 денари.
Така изгледа новото штетно законско решение со кое оваа антинародна власт го гази достоинството на пензионерите.
Наместо минималното законско усогласување, кое пензионерите го добиваа секоја година, по што пензиите растеа за одреден процент, од оваа година, тие ќе останат со пократки ракави!
Трошоците за живот се зголемуваат секојдневно, цените растат и наместо достоинствени и спокојни пензионерски денови, тие се омаловажени и понижени како никогаш досега.
Оваа категорија на граѓани живее на работ на егзистенција – немаат доволно лекови на позитивна листа, а потрошувачката кошничка е се‘ поскапа. И наместо владата да им овозможи да имаат квалитетен живот во оваа доба, таа го крати и она што законски го заслужуваат.
Предвидените законски измени, ги ставаат во неповолна положба оние кои кои земаат најниски пензии и во услови на најмало зголемување ќе добиваат помалку од пензионерите со поголемии месечни примања.
Овие измени на законот, нема да ги одминат и штипските пензионери, кои се 10.500 и важат за едно од поголемите пензионерски здруженија во државава.
11 години пензионерите беа високо на листата на приоритети на вмро-дпмне! пензионерите добиваа бесплатни одмори, лекувања, а пензиите растеа во континуитет.
За да ја заштити оваа целна група, пратеничката група на ВМРО-ДПМНЕ и Коалицијата За Подобра Македонија, поднесе Предлог-Закон за изменување на Законот за пензиско и инвалидско осигурување, со кој се предвидува да се врати старото законско решение со кое изминатите години пензинерите континурано добиваа зголемување на пензиите.
Затоа што, и во позиција и во опозиција, ВМРО-ДПМНЕ се грижи не само за пензионерите, туку сите граѓани на Република Македонија.
Креирано од:
СЛИЧНИ ОБЈАВИ
Спецификата и убавината на “Ѕвегорска сурова” вреди да биде заштитена под УНЕСКО
Наближува Православна Нова Година. Таа во село Ѕвегор (Делчевско) се празнува најавтентично
По обилните врнежи од снег во Кочани – КЈП „Водовод“ на терен со расчистување на улиците и тротоарите